Thursday, 25 October 2012

அர்த்தமுள்ள வாழ்க்கைக்கு சில ஆலோசனைகள்..!


அமைதியாய் இருங்கள்...
    ஊமையாகி விடாதீர்கள்..!

சிக்கனமாய் இருங்கள்...
   கஞ்சனாய் இராதீர்கள்...!

ஒய்வு எடுங்கள்...
    சோம்பேறியாகி விடாதீர்கள்..!

அடக்கமாய் இருங்கள்...
    அடிமையாகி விடாதீர்கள்..!

தன்னம்பிக்கையுடன் இருங்கள்...
   கர்வம் கொள்ளாதீர்கள்..!

ஆசை படுங்கள்...
    பேராசை கொள்ளாதீர்கள்..!

செலவு செய்யுங்கள்...
    ஊதாரியாகி விடாதீர்கள்..!

ஆலோசனை கூறுங்கள்...
   அடிமையாக்கி விடாதீர்கள்..!

விட்டுக் கொடுங்கள்...
    ஏமாந்து விடாதீர்கள்..!

சுறுசுறுப்பாய் இருங்கள்...
  அவசரப் படாதீர்கள்...!

பணிவுடன் இருங்கள்...
   கோழையாகி விடாதீர்கள்..!


>>>>>>>>>>>>>>>>>>>>>>>>>>>>>>>>>>


சிறந்த ஆயுதம்தானுண்டோ???

எதையெதையோ அழிக்க உலகில்
ஆயுதங்களும் கருவிகளும் இருக்கின்றனவே.
என்னவனே............................!
என்னை அழிக்காமல்...
உன் நினைவுகளை மட்டும் அழிக்கும்
ஏதேனும் ஆயுதம்தான் இவ்வுலகிலுண்டோ?

>>>>>>>>>>>>>>>>>>>>>>>>>>>>>>>>>>

இது கொஞ்சம் ஒவராதான் இருக்கோ?


என் மனதில் வட்டமிட்டுக்கொண்டிருக்கும்
உன் எண்ணங்களின் எண்ணிக்கையோடு
போட்டிபோடும்போது...
ஆரம்ப நிலையிலேயே தோற்று போகின்றதே
நட்சத்திர கூட்டம் கூட...!

>>>>>>>>>>>>>>>>>>>>>>>>>>>>>>>>>>
 

Monday, 22 October 2012

குழந்தை வரம்

என்னை மிகவும் கவர்ந்த கவிதை.

பிள்ளை வரம் கேட்டு
கோயில் கோயிலாக ஏறி இறங்கும்
எந்த பெண்ணுக்கும் ஏன் தெரிவதில்லை...?



அம்மா வரம் கேட்டு
அனாதை இல்லதில் காத்திருக்கும்
குழந்தையின் முகம்!

 >>>>>>>>>>>>>>>>>>>>>>>>>>>>>>>>>>>>>

Sunday, 14 October 2012

பேருந்தில் மாணவர்களின் அட்டகாசம்!


      பள்ளி மாணவர்கள் செய்யும் அட்டூழியம் தொடர்ந்து கொண்டே வருகிறது. என்னதான் அறிவுரை கூறினாலும் அவர்கள் மாறுவதாக தெரியவில்லை. பெரும்பாலும் இதெல்லாம் காலை நேரங்களில் தான் நடக்குது. ஸ்கூல் போற மாணவர்களே (8 ஆம் வகுப்பு முதல் 12 ஆம் வகுப்பு வரை இருப்பார்கள்) அதிகமா இதுபோன்ற சம்பவங்களில் ஈடுபடுறாங்க.

    
நிறைய மாணவர்கள் எவ்ளோதான் உள்ள இடம் இருந்தாலும் ஸ்டெப்ஸ விட்டு ஏறவே மாட்டாங்க. அது என்ன வேண்டுதலோ தெரியல. அதுல ஒரு டீம் வேற. அவங்க பேச கூடிய விஷயங்கள் கூட பக்கா லோக்கலா இருக்கும். ஒருசில வார்த்தைகளை கேட்டால் இவங்க எல்லாம் எதுக்குதான் ஸ்கூல் போறாங்களோனு கூட நினைக்கத் தோணும்.

   
காலேஜ், ஆபிஸ் போறவங்களே டீஸண்டா நடந்துகிறாங்க. ஒருசில ஆண்களைத்தவிர பெரும்பாலும் ஆண்கள் நடந்துகிற விஷயம் நம்மை நெகிழ வைக்கும். வயசானவங்களுக்காக சீட்டை விட்டுகொடுப்பதிலோ, தெரியாதவங்களுக்கு கரெக்டான ஸ்டாப் எதுன்னு சொல்றதிலோ, இறங்குறவங்களுக்காக வழி விட்டு விலகி நிற்பதிலோ டீஸண்டா நடந்துகுவாங்க. இவங்களுக்கு மத்தியில பள்ளி மாணவர்களின் அட்டூழியம் அவங்கள மிகவும் குறைத்தே மதிப்பிட தோணுது. 



  ஸ்டாப்ல பஸ் நிற்கும். அஞ்சு ஆறு பேர் இறங்குறத போலவே இறங்குவாங்க. ஆனா அங்கேயே தான் சுத்திட்டு இருப்பாங்க. இறங்குறவங்களுக்கு வழி விடுறதுக்காக இவங்க இறங்கி ஏறுறாங்கனா அது நிச்சயமா பாராட்டகூடிய விஷயம்.ஆனா அந்த எண்ணம் ஒரு துளி அளவு கூட அவங்க மனசுல இருக்காது. இறங்கி தூரத்துல போயி நின்னு முடியை கோதிவிட்டுட்டு ஸ்டைலா நிப்பாங்க. பஸ் ஸ்டாப்ப ஒரு சுத்து சுத்திட்டு பஸ் எடுத்ததுக்கப்புறம் திடுத்திடுனு ஓடி வந்து ஏறுவாங்க. எதுக்காக இந்த வெட்டி பந்தா? அதிலும் ஒருத்தர் மிஸ் ஆயிட்டா போதும்.. அவங்க தட்டுற தட்டுல வண்டியே உடஞ்சிரும்னுதான் தோணும்.அதிலும் அவங்க போடுற கூச்சல் வேற. அப்பப்பா காதையே கிழிக்கும். இதையெல்லாம் மத்தவங்க ரசிக்கிறாங்கனு நினைப்பாங்களோ என்னவோ? இதெல்லாம் எரிச்சலூட்டுமே தவிர ரசிக்கும்படியா இருக்காதுன்ட்ற விஷயம் இவங்களுக்கு புரிய எவ்வளவு நாளாகுமோ?. ஏகப்பட்ட ட்ராபிக்ல டிரைவர் வண்டிய பாதுகப்பா ஓட்டிட்டு வர்றதே பெரிய விஷயம். இதுல இவங்களும் கலாட்டா பண்ணிட்டு வந்தா என்ன பண்ண முடியும்? கவனத்தை சிதற விடுறதுக்கு வாய்ப்பினை ஏற்படுத்தி தர்றாங்க.
  
     
இதையெல்லாம் பார்த்தா கோபம் வராத நமக்கே பயங்கரமா ஆத்திரம் வரும். பஸ்குள்ள இருக்கிற பெரிவாங்க எல்லாம் திட்டிட்டே வர்றது அந்த மாணவர்களின் பெற்றோரைதான். இவங்களை எல்லாம் எதுக்கு ஸ்கூல்க்கு அனுப்புறாங்கனு. சொல்றத கேட்டு திருந்தக்கூடிய நிலைல அவங்க இருந்தா நிச்சயமா சொல்லலாம். ஆனா இப்படி நடந்துகிறதால என்ன ஆகும்னு தெரிஞ்சிட்டே இப்படி பண்றவங்களுக்கு நாம் என்ன சொன்னாலும் நிச்சயம் ஏத்துக்கூடிய பக்குவம் அவர்களுக்கு இருப்பதில்லையே. கண்டிப்புடன் சொல்லி உள்ளே உரிமை இருந்தும் இதெல்லாம் கண்டும் காணாம போகிற கண்டக்டர்ஸும் இருக்கதானே செய்றாங்க? திருத்த கூடிய உரிமை இவர்களுக்குதான் இருக்கு. 1.பெற்றோர், 2. ஆசிரியர், 3. கண்டக்டர் அடுத்தது காவல்துறை. இவங்கள்ல  யாராவது எடுத்து சொன்னதான் அவங்க நல்லவிதமா நடந்துக்க வாய்ப்பிருக்கு. யாரேனும் தலையிட்டா மட்டுமே அவங்க உயிரையும், மற்றவர்களின் உயிரையும் பாதுகாக்க முடியும்.

Monday, 8 October 2012

போட்டோ ஷாப்பில் நீர்த்துளி (Water Drops) உருவாக்குவது எப்படி?

உங்களுக்கு பிடித்த ஏதேனும் ஒரு படத்தை போட்டோ ஷாப்பில் திறந்துக்கொள்ளுங்கள்.


இதற்கு ஒருசில Tools  மற்றும் Layer  தேவைப்படும்.

Menubar  ல் Window -> Tools & Window -> Layer
இவற்றை எடுத்து வைத்துக்கொள்ளுங்கள். 


நாம் குறிப்பிட்ட இடங்களை தேர்வுசெய்வதற்கு Selection Tool தேவை. அதற்கு இங்கே செல்லவும்.  இதில் ஏதேனும் ஒன்றை தேர்ந்தெடுத்துகொள்ளவும்.





தொடர்ச்சியாக வேணுமானால், Shift பிரஸ் செய்து Click & Drag அல்லது Menubar க்கு கீழே தோன்றும் Option -ல்


இதை கிளிக் செய்து Click & Drag செய்யும்போது தொடர்ச்சியாக அந்த Mark  தோன்றும்.



Select செய்த Area வை  "Control + J" கொடுத்தால் Duplicate ஆக கிடைத்துவிடும்.

இப்போது Effect -க்கு வருவோம்.

Menu bar -> Layer -> Layer Style -> Blending Options அல்லது Layer -ல்  Right Click செய்து Blending Options  இந்த இரண்டு வழிகளில் ஏதேனும் ஒன்றில் செல்லலாம்.


Layer மீது Double Click செய்தும் செல்லலாம். இதில் வரும் Option -ல்  Bevel & Emboss என்பதை டிக் செய்து கொள்ளுங்கள். Default ஆக இவ்வாறு தோன்றும்.


இப்போது ஒருசில மாற்றங்களை செய்து பாருங்கள். பாதியளவு Effects கிடைத்து விடும்.


இதில் கருப்பு நிறம் அதிகமாக தெரிகிறதல்லவா?
அதற்கு Highlight Mode & Shadow Mode ஐ தேவைகேற்ப Adjust  செய்து கொள்ளவும்.


இப்போது Water  Effects கிடைத்துவிட்டது.


இது உங்களுக்கு அதிகமென தோன்றினால் சற்றே குறைத்துகொள்ளலாம்.


>>>>>>>>>>>>>>>>>>>>>>>>>>>>>>>>>>>>>>>>>>>>

Friday, 5 October 2012

கரும்புள்ளிகள் நீங்கி, முகம் பொலிவு பெற...

1. மஞ்சளுடன் பால் அல்லது கடலை எண்ணெய்யை  கலந்து முகத்தில் பூசி   10 நிமிடங்கள் வரை ஊறவைத்து கழுவினால் வறண்ட சருமமும், கரும்புள்ளியும் நீங்கி முகம் பொலிவு பெறும்.

2. காரட் மற்றும் உருளைக்கிழங்கை நீர் சேர்க்காமல் பேஸ்ட் போல அரைத்து முகத்தில் தேய்த்து சிறிது நேரம் கழித்து கழுவினால் முகம் பளபளப்புடன் காணப்படும்.

3. பாதாம் பருப்புடன், ரோஜா இதழ் மற்றும் மஞ்சளையும் சேர்த்து அரைத்து முகத்தில் தேய்த்த பிறகு  சிறிது நேரம் கழித்து கழுவி வர, கரும்புள்ளிகள் மறைந்துவிடும்.

3. காய்ச்சி எடுத்த பாலுடன் மஞ்சள் கலந்து முகத்தை கழுவினாலும் தேவையில்லாத கரும்புள்ளிகள் நீங்கிவிடும்.

4. 2 தக்காளி மற்றும் 1 காரட் தினமும் காலை நேரங்களில் சாப்பிட்டு வந்தால் வறண்ட சருமம் நீங்கி முகம் பொலிவுடன் காணப்படும்.

5. ஒரு துண்டு பீட்ரூட்டை எடுத்து உதட்டில் தேய்த்து வர கருப்பு நிறம் குறைந்து  உதடு சிவப்பாக காணப்படும்.

6. மெழுகுவர்த்தியையும் கடலை எண்ணெய்யையும் மஞ்சளுடன் சேர்த்து காய்ச்சி எடுத்து ஒரு கையில் பிடிக்கும் அளவு சிறிய பாத்திரத்திலோ, அல்லது கப்பிலோ  உற்றிவைத்துக்கொள்ளுங்கள். சிறிது நேரத்தில் உறைந்து விடும். பார்ப்பதற்கு லிப் ஸ்டிக் போல சற்று கெட்டியாக இருக்கும்.  அதை எடுத்து சிறிதளவு முகத்திலும், கை, கால்களிலும்  தேய்த்துவிடுங்கள்.  பனிக்காலங்களில் தோன்றும் வெடிப்பு பிரச்சனை இருக்காது.
>>>>>>>>>>>>>>>>>>>>>>>>>>>>>>>>>>>>>>>>>>>